Skip to content

O CRAT arrinca competición o domingo diante do XV Hortaleza RC á procura de revalidar o seu título

Xaneiro 8, 2016

As rapazas do CRAT (Club de Rugby Arquitectura Técnica de A Coruña), vixentes campionas da División de Honor Feminina, xogan o seu primeiro partido de Liga na competición estatal deste curso o vindeiro domingo ás 13:00 horas visitando ao XV Hortaleza RC con arbitraxe de Gonzalo Pardo.

Silvia Carregal

crat

As coruñesas, únicas representantes galegas na máxima categoría, loitarán por revalidar o título que acadaron o pasado ano. Como todo mérito deportivo que paga a pena acadar, conseguilo non será doado.

O pasado curso acadaban o entorchado estatal por vez primeira. Entraron por mérito propio na curta listaxe de equipos coruñeses acreedores dun título de Liga (R.C. Deportivo de La Coruña, H.C. Liceo, Sal-Lence… e pouco máis)

Sete serán os rivais das herculinas nesta competición. Segundo comentaba o adestrador do CRAT, Jos Porto, nunha entrevista emitida por Radio Coruña – Cadena SER no seu espazo Coruña Deportiva na que tamén estivo presente Vanesa Rial, se cadra o INEF de Barcelona é un dos principais conxuntos a ter presentes. Por suposto, outro que terá moito que dicir será o Getxo Artea RT. A lista de sete contrincantes das galegas complétase con CR Majadahonda, CR Olímpico Pozuelo, G.E. i E.G., XV Sanse Scrum RC e o rival desta fin de semana, o XV Hortaleza RC.

 

Perderán moitos partidos a Alevín e Vanesa Rial, por ir coa Selección

Trátase dun ano moi especial por ser ano olímpico. Xustamente iso vai minguar en fortalezas ás coruñesas na Liga. Pero vaias encher de fachenda se finalmente dous dous seus puntais acadan o mérito de representar a España nos Xogos Olímpicos de Río 2016 na modalidade Rugby Seven. Trátase de Alevín e Vanesa Rial. As dúas, ata o de agora, son fixas nas convocatorias do combinado español, e tamén son pezas clave no equipo coruñés que terá que prescindir delas en boa parte da tempada dado que estarán convocadas coa Selección estatal.

O CRAT aporta xogadoras tamén á selección de Rugby XV. Deportistas como Selene Roz, Elsa Porto ou Mónica Castelo tamén teñen recibido a chamada do seleccionador español este curso, José Antonio Barrio.

Se miramos cara ao ámbito galego, na última convocatoria da Selección Galega, 14 das 25 xogadoras, eran do CRAT. Tamén aportaron efectivos o  Vigo RC Universidade de Vigo, o Muralla RC ou o Coretin de Lalín, aínda que en menor medida.

 

Campionas galegas

As rapazas do CRAT, esta tempada xa atesouran un título, o da Liga Galega Feminina. Trátase dunha competición que, podería decirse que supón unha pretemporada para as coruñesas que, un ano máis, non tiveron rival impoñéndose con claridade na clasificación ás xogadoras de Vigo, Lugo e Lalín, cidades ás que pertencen os outros tres clubes participantes na competición galega.

Como campionas de Liga na tempada pasada, hai ven pouco foron as encargadas de prender as luces do Nadal coruñés. Un paso máis nese camiño da visibilización do deporte feminino.

Nun deporte que din de cabaleiros, sementado de códigos éticos e de terceiros tempos que fan que a palabra competitividade non estea reñida coa de deportivividade, elas, son damas e queren volver erguer o trofeo de campionas.

 

crat balon

 

PLANTILLA DO CRAT 2015-16

NOME                                                    POSICIÓN

  • Melani Bad                                        Tercera línea
  • Yanca Almeida                                  Ala
  • Beatriz Álvarez                                 Centro
  • Raquel Bahamonde                        Segunda Línea
  • Carmen Boo                                      Primeralínea
  • Paula Burillo                                      Medio Melé
  • Mónica Castelo                                Segunda Línea
  • Claudia Díaz                                       Centro
  • Loreto Díaz                                        Ala
  • Olaia Díaz                                            Ala
  • Tania García                                       Centro/Ala
  • Isabel Lamas                                     Primera línea
  • Olaya López                                       Centro
  • Turena Mikaela Lorie                     Zaguero/Ala
  • Cecilia Martínez                               Tercera Línea
  • Paula Medín (Alevín)                     Tercera Línea
  • Carmen Virginia Padín                   Primera línea
  • Elsa Porto                                           Tercera Línea
  • Laura María Quiroga                      Ala
  • Ana Vanesa Rial                               Apertura
  • Selene Roz                                         Primera línea
  • Laura Vázquez                                  Medio Melé
  • Natividad Vázquez                          Tercera Línea
  • Rita Vázquez                                     Ala
  • Silvia Vázquez                                   Centro/ala
  • Danae Viñas                                      Ala
  • Cecilia                                                  Tercera Línea

Escoita aquí a entrevista en Coruña Deportiva (Radio Coruña – Cadena SER) a Jos Porto e Vanesa Rial. 

Advertisements
No comments yet

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: