Skip to content

Festa goleadora do Burela FS Pescados Rubén diante do Orvina (7-0)

Outubro 31, 2015

O CD Burela FS Pescados Rubén abriu a Tarde Laranxa ao grande, con festa goleadora ante o Orvina (7-0), con dianas de Gaby e Maite por partida dobre, ademais de Ceci, Peque e Shio.

Redacción

Burela FS Pescados Rubén vs Orvina

Burela FS Pescados Rubén vs Orvina

As de Lucas saltaron á Bomboneira fronte a un rival metido atrás. As laranxas tiveron que armarse de paciencia para atopar ocos na defensa navarra e sen traballo para Andrea baixo os paus. Ceci só tivo que empuxar para subir o 1-0, no minuto 11, en xogada de estratexia enganando ao Orvina, a pase de Gaby desde Peque. Tres minutos despois, as da Mariña anotaron de novo a balón parado, con lanzamento de Gaby, que tocou na defensa rival antes de superar a liña de meta.

Nos seguintes compases, Shio desaproveitou dúas oportunidades soa ante Rebeca. No último minuto, o Burela FS perdoou tres balóns de ouro; a falta de 52 segundos o disparo raso de Peque, en estratexia, estrelouse contra o pau; a meta do Orvina freou o dobre penalti da 7 burelista pouco despois e a volea de Ceci tampouco puido subir ao electrónico. Sobre a bucina, Andrea resolveu sen complicacións un balón que podía facer moito dano, na primeira e única ocasión das navarras.

Burela subiu unha marcha no seu regreso á pista, cun Orvina tamén máis valente. Tras dous minutos de asedio incesante sobre a rede de Irati e coa primeira chegada do Orvina, nos pés de Adela, con boa resposta de Eva coa man, chegou o terceiro, máis que merecido, no minuto 23 con firma de Maite, aproveitando un rexeite da meta visitante, a tentativa de Gaby e, poucos segundos despois, a eficacia da brasileira volveu brillar; Irati intentou frear co corpo a embestida de Gaby, pero ao final escapóuselle por arriba.

Burela FS Pescados Rubén vs Orvina

Burela FS Pescados Rubén (Shio) vs Orvina

Superada a metade da segunda parte e cun partido de máis idas e voltas, Anna Riera salvou en dúas ocasións o 5-0 de Peque. A falta de seis minutos, o Orvina optou por xogo de cinco con Patri como porteira xogadora. E aí a 7 laranxa si puido rubricar o quinto a porta baleira (minuto 35), marcador que adornou Maite (minuto 36) en contragolpe, cun balón que superou a liña de meta con Patri na súa pugna por frealo.

A falta de 1.41 minutos, Shio saíu vitoriosa no definitivo 7-0 tras pelexa polo esférico na pista rival sen obstáculo na portería.

 


FICHA TÉCNICA:

CD BURELA FS PESCADOS RUBÉN: Andrea C., Claudia, Peque, Gaby, Shio, no cinco inicial; tamén xogaron Ceci, Maite, Lara, Eva.

CD ORVINA: Rebeca, Anna Riera, Susana, Maialen, Irune, no cinco inicial; tamén xogaron Miriam, Lucía, Adela, Patri, Yarima, Aiora, Irati

GOLES: 1-0, minuto 11, Ceci; 2-0, minuto 14, Gaby; 3-0, minuto 23, Maite; 4-0, minuto 23, Gaby; 5-0, minuto 35, Peque; 6-0, minuto 36, Maite; 7-0, minuto 38, Shiori

ÁRBITROS: Cubero Díaz // Fernández Fermoso (Asturias). Por Orvina amarela a Maialen (minuto 14).

INCIDENCIAS: Partido correspondente á sétima xornada de Primeira División RFEF, disputado no pavillón Vista Alegre de Burela. 400 espectadores. Minuto de silencio inicial polo falecemento dunha familiar da xogadora burelista Lara Balseiro.

Advertisements
No comments yet

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: